ବନ୍ଦ କରନ୍ତୁ

ଭିତରକନିକା ଜାତୀୟ ପ୍ରାଣୀ ଉଦ୍ୟାନକୁ ପ୍ରବେଶ ଦ୍ଵାର

ଶ୍ରେଣୀ ପ୍ରାକୃତିକ/ ମନୋରମ ସୌନ୍ଦର୍ଯ୍ୟ

ଭଞ୍ଜ ରାଜବଂଶ ଦ୍ଵାରା ତ୍ରୟୋଦଶ ଶତାବ୍ଦୀରୁ ଶାସିତ ପ୍ରାଚୀନ କନିକା ରାଜ୍ୟର ରିଘାଗଡ ଓ କଳଦ୍ଵୀପଗଡ ମଧ୍ୟସ୍ଥ ୧୪୫ ବର୍ଗମାଇଲି ପରିମିତ ସାମୁଦ୍ରିକ ଲୁଣା ଜଙ୍ଗଲକୁ ଭିତରକନିକା ଜଙ୍ଗଲ ବୋଲି କୁହାଯାଏ । ଏହା ୮୬ °୪୫’ ଠାରୁ ୮୭°୦୩’ ପୂର୍ବ ଅକ୍ଷାଂଶ ଓ ୨୦°୩୦’ ଠାରୁ ୨୦°୪୮’ ଉତ୍ତର ଦ୍ରାଘିମା ମଧ୍ୟରେ ଅବସ୍ଥିତ ହୋଇଅଛି । ଏହା ୧୯୫୭ ରେ ଆଠଗଡ ଜଙ୍ଗଲ ବିଭାଗକୁ ହସ୍ତାନ୍ତର କରଯାଇଥିଲା । ତେବେ ଭାରତୀୟ ଜଙ୍ଗଲ ସଂରକ୍ଷଣ ଆଇନ ୧୯୨୭ର ୨୯ ଧାରା ଅନୁଯାୟୀ ଯେଉଁ ଆଇନ ସରକାରୀ ନୋଟିସ ନମ୍ବର ୩୩୨୩୩ ,୪ ଅକ୍ଟୋବର ୧୯୬୧ ରେ ପ୍ରକାଶିତ ତା ୨୨-୦୪-୧୯୭୫ ମସିହାରେ ଏହାକୁ ଅଭୟାରଣ୍ୟ ଭାବରେ ଘୋଷଣା କରାଯିବ ସହିତ ଏହି ଜଙ୍ଗଲକୁ ରାଜନଗର ଜଙ୍ଗଲ ବିଭାଗ କର୍ତୁତ୍ୱରେ ରଖାଯାଇଅଛି (ଓଡିଶା ଗେଜେଟ,ମେ ୩୦ ,୧୯୭୫ ମସିହାରେ ପ୍ରକାଶିତ)। ୧୯୮୮ ମସିହା ଅକ୍ଟୋବର ମାସ ୩ ତାରିଖରେ ନଂ ୮ ଏଫ୍ ୫୩/୮୮ ,୨୨୯୦୪/ଏଫ୍,ଏଫ୍,ଏ,ଏଚ୍ ଅନୁଯାୟୀ ଓଡିଶା ସରକାରଙ୍କ ତରଫରୁ ପିକେ ମହାନ୍ତି ସରକାରୀ ସଚିବ ଏହି ଅଭୟାରଣ୍ୟ କୁ ‘’ଜାତୀୟ ଉଦ୍ୟାନ‘’ ଭାବେ ଘୋଷଣା କରିଥିଲେ । ଭିତରକନିକା ଜଙ୍ଗଲ କହିଲେ ,ସେଥି ମଧ୍ୟରେ ରହିଛି ଭିତରକନିକା ,ଡାଙ୍ଗମାଳ ଓ ଗହୀରମଥା ପରି ବିସ୍ତୃତ ସାମୁଦ୍ରିକ ଜଙ୍ଗଲ ଅଞ୍ଚଳ । ଗହୀରମଥା ହେଉଛି ସମଗ୍ର ପୃଥିବୀରେ ଅଲିଭରିଡେଲ କଇଁଛଙ୍କ ଏନ୍ତୁଡିଶାଳ। ଏହା କେନ୍ଦ୍ରାପଡା ଜିଲ୍ଲାର ୮୬°୪୫’୫୭’ ରୁ ୮୭°୧୭’୩୬’ ପୂର୍ବ ଅକ୍ଷାଂଶଠାରୁ ୨୦°୧୭’୩୨’ରୁ ୨୦°୪୬’୫୮’ ଉତ୍ତର ଦ୍ରାଘିମା ମଧ୍ୟରେ ଅବସ୍ଥିତ । ସରକାରୀ ନୋଟିସ ନଂ ୧୮୮୦୫ ଏଫ୍ ଆଣ୍ଡ ଇ ତାରିଖ ୨୭.୦୯.୧୯୯୭ ରେ କଇଁଛ ମାନଙ୍କ ଅଭୟ ଆଶ୍ରୟସ୍ଥଳି ଭାବେ ଘୋଷଣା କରଯାଇଥିଲା । ଏହାର ସମସ୍ତ ଅଞ୍ଚଳ ହେଉଛି ୧୪୩୫ ବର୍ଗ ଏଥିରୁ ମଧ୍ୟରୁ ୧୪୦୫ ସାମୁଦ୍ରିକ ଅଞ୍ଚଳ ଓ ୨୭ ବର୍ଗ କି॰ମି ହେଉଛି ସଂରକ୍ଷିତ ଜଙ୍ଗଲ,କାଦୁଅ ମାଟି ଓ ବାଲିପୁର୍ଣ୍ଣ ଅଞ୍ଚଳ । କୁମ୍ଭୀର ପ୍ରଜଜ୍ଜନ ଅଞ୍ଚଳ ଭାବରେ ଭିତରକନିକା ସମଗ୍ର ପୃଥିବୀରେ ପରିଚିତ,ପ୍ରଥମେ ୧୯୭୫ ମସିହା ଡକ୍ଟର ଏଇଚ୍,ଆର,ବଷ୍ଟାଡି ନାମକ ଜଣେ ଗୋରା ସାହେବ ବିଲୁପ୍ତ ବଉଳାକୁମ୍ଭୀର ସଂରକ୍ଷଣ କରିବାପାଇଁ ଏଠାରେ ଯୋଜୋନ ଆରମ୍ଭ କରିଥିଲେ । ଭିତରକନିକା ଅଞ୍ଚଳ ଅନ୍ତର୍ଗତ କାଳିଭଞ୍ଜଡିଆ ଅଞ୍ଚଳରୁ ସଂଗୃହୀତ କୁମ୍ଭୀର ଅଣ୍ଡାରୁ କୃତ୍ରିମ ପ୍ରଣାଳୀରେ ୧୯୭୫ ମସିହା ଅଗଷ୍ଟ ମାସରେ ଜନ୍ମ ନେଇଥିଲା ସମଗ୍ର ପୃଥିବୀର ବଉଳା ଧଳା କୁମ୍ଭୀର”ଗୋରୀ”,ପ୍ରଥମେ ଏହି କୁମ୍ଭୀରକୁ ଗବେଷକ ସୁଧାକର କର ଓ ଡଃ ବଷ୍ଟର୍ଡ ଚିହ୍ନିଥିଲେ ଓ ଅବସରପ୍ରାପ୍ତ ରାଜସ୍ୱ ପର୍ଷଦ ଶ୍ରୀ ବିଘ୍ନରାଜ ପଟେଲ୍ ଏହାର ନାମ ଦେଇଥିଲେ “ଗୋରୀ”,୧୯୮୪ ମସିହାରେ ଏହାକୁ ଏକ ଆବଦ୍ଧ ପୁଷ୍କରିଣୀରେ ଛାଡିଦିଆଯାଇଥିଲା । ଭିତରକନିକା ଜଙ୍ଗଲରେ ରହିଛି ୬୩ ରକମର ବୃକ୍ଷ ଓ ୧୬୬ କିସମର ପକ୍ଷୀଙ୍କର ନିବାସସ୍ଥଳୀ। ଭିତରକନିକା ଅଞ୍ଚଳରୁ ୧୬ କିସମର ମାଛ ଓ ୮ ପ୍ରଜାତିର କଙ୍କଡା ମିଳିଥାଆନ୍ତି । ଜଙ୍ଗଲ ମଧ୍ୟରେ ୧୪ ପ୍ରକାର ପଶୁ ବସବାସ କରୁଥିଲା ବେଳେ ହରିଣ ମାନଙ୍କର ସଂଖ୍ୟା ସର୍ବାଧିକ ।

ରହିବା, ଖାଦ୍ଯ ଏବଂ ପାସ ଦେବାର ସମୟ

  1. ପାନ୍ଥନିବାସ(ଅରଣ୍ୟ ନିବାସ) , ବେସରକାରୀ ହୋଟେଲ
  2. ଜଳଖିଆ ଦୋକାନ
  3. ସକାଳ ୭ ଘଣ୍ଟା ଠାରୁ ମଧ୍ୟାନ ୧୨.୩୦ ପର୍ଯ୍ୟନ୍ତ

ବୋଟ , ଦେୟ ଓ ଭଡା ଡଙ୍ଗା ଉପଲବ୍ଧ ଏବଂ ସୁବିଧା

  1. ୨୦ ଗୋଟି ଘରୋଇ ଡଙ୍ଗା ଉପଲବ୍ଧ
  2. ଦିନରେ ଚାନ୍ଦବାଲି ଠାରୁ ଡାଙ୍ଗମାଳ ଯିବାପାଇଁ ପ୍ରତ୍ୟକ ବୋଟ ପାଇଁ ୪୦୦୦.୦୦ ଟଙ୍କା
  3. ଦିନରେ ଜୀବ ଓ ରାତ୍ରି ଜାପାନ ପାଇଁ ଚାନ୍ଦବାଲି ଠାରୁ ଡାଙ୍ଗମାଳ ଯିବାପାଇଁ ପ୍ରତ୍ୟକ ବୋଟ ପାଇଁ ୪୫୦୦.୦୦ ଟଙ୍କା
  4. ପ୍ରତ୍ୟକ ବୋଟ ରେ ୧୮ ଜଣ ଯାତ୍ରୀ ଯାଇପାରିବେ
  5. Cost of entry passes is regulated as per notification No.FE-WL-WLF-0052-2015 2340 dated 08.02.2016 of the F&E Dept.
  6. ଭାସମାନ ଜେଟ୍ଟୀ ଚଢିବା ପାଇଁ ଉପଲବ୍ଧ
  7. ଟିକେଟ ଘର, ଶୌଚାଳୟ , ବସିବା ସ୍ଥଳ , ଯାନ ରଖିବା ସ୍ଥାନ ଓ ଅନ୍ୟ ଦୋକାନ ଉପଲବ୍ଧ

ଫଟୋ ଗାଲେରୀ

  • ଭିତର କନିକା ଜାତୀୟ ଉଦ୍ୟାନର ପ୍ରବେଶ ପଥ
  • ଭିତର କନିକା ଜାତୀୟ ଉଦ୍ୟାନର ବିସ୍ଥାପିତ ପକ୍ଷୀ
  • କୁମ୍ଭୀର ଅଣ୍ଡା ଦେବା ସ୍ଥାନ

କିଭଳି ପହଁଞ୍ଚିବେ:

ବିମାନ ମାର୍ଗରେ

ନିକଟତମ ବିମାନ ବନ୍ଦର : ବିଜୁ ପତନାୟକ ବିମାନ ବନ୍ଦର , ଭୁବନେଶ୍ବର - ୧୩୨ କି.ମି. ଚାନ୍ଦବାଲି ,ଭିତର କନିକା ପ୍ରବେଶ ଦ୍ଵାର.

ରେଳଗାଡ଼ିରେ

ନିକଟତମ ରେଳ ଷ୍ଟେସନ : ଭଦ୍ରକ ରେଳ ଷ୍ଟେସନ - ୫୫ କି.ମି. ଚାନ୍ଦବାଲି ,ଭିତର କନିକା ପ୍ରବେଶ ଦ୍ଵାର.

ସଡ଼କ ପଥରେ

କୋଲକାତା, ବାଲେଶ୍ଵର, ଭୁବନେଶ୍ବର, କେନ୍ଦୁଝର ଠାରୁ ବସ ବ୍ୟବସ୍ତା ଉପଲବ୍ଧ । ଭଦ୍ରକ ଠାରୁ ୫୨ କି.ମି. ଓ ବାଲେଶ୍ଵର ଠାରୁ ୧୧୬ କି.ମି.